AMEA Torpaqşunaslıq və Aqrokimya İnstitutu

Bakı Su Həftəsi çərçivəsində Beynəlxalq Su Təsərrüfatı Sərgi və Konfransı keçirilib

2024-03-15

12-14 mart tarixində Bakı Su Həftəsi çərçivəsində Beynəlxalq Su Təsərrüfatı sərgisi və konfransı keçirilib.

Bakı Su Həftəsinin keçirilməsində əsas məqsəd Azərbaycanda bu sahənin daha da inkişaf etdirilməsi üçün ölkəyə yeni texnologiyaların, avadanlıqların və investisiyaların cəlb edilməsi, eləcə də Qarabağın bərpası və yenidən qurulması yönündə içməli su təminatının gücləndirilməsi, bununla bağlı vacib məsələlərin, yeni layihələrin və əməkdaşlıqların müzakirəsidir.

Beynəlxalq Su Təsərrüfatı Sərgisi və Konfransında AR ETN Torpaqşünaslıq və Aqrokimya İnstitutunun direktoru, AMEA-nın müxbir üzvü, professor Əlövsət Quliyev və institutun əməkdaşları da iştirak edib. Ə.Quliyev konfransda “İqlim dəyişməsi ilə əlaqədar ölkədə su problemlərinin həlli” mövzusunda məruzə ilə çıxış edib.

Bakı Su Həftəsində 16 ölkədən 90-a yaxın şirkət iştirak edib. İştirakçı şirkətlərin təmsil etdiyi ölkələr sırasına Azərbaycanla yanaşı, Almaniya, Amerika Birləşmiş Ştatları, Avstriya, Avstraliya, Belarus, Belçika, Böyük Britaniya, Çexiya, Danimarka, Gürcüstan, İsrail, Isveçrə, Qazaxıstan, Türkiyə və Rusiya Federasiyası daxildir.

Elanlar

Elan

2024-04-15

Doktoranturaya sənəd qəbulu

Kateqoriyalar

Son xəbərlər

Ən çox oxunanlar

Bakı Su Həftəsi çərçivəsində Beynəlxalq Su Təsərrüfatı Sərgi və Konfransı keçirilib

Elanlar

Ən çox baxılanlar